1:52 AM
Unknown
LAMA-lama Mpok Minah empet juga ngeliat Bang Jali. Saban ada waktu kosong, pasti langsung asyik dengan ponsel android barunya. Kadang-kadang malah asyik senyum-senyum. Sebelumnya, kalau ada waktu kosong, Bang Jali baca-baca buku agama. Sekarang kayak jadi lupa daratan.
“Babé lu Nyak liat udah mulain berobah, Nung,” kata Mpok Minah, suatu siang sembari ngiris-ngiris bawang di dapur.
Nunung yang lagi misangin kangkung, néngok. “Berobah kenapa, Nyak?”
“Ntu, saban Nyak liat, pasti lagi asyik sama teleponnya. Kotan-kotan Nyak liat cengar-cengir kayak orang kagak waras.”
Nunung mésem.
“Ntu salah Pak Subhi juga...”
“Maksudnya, Nyak?”
“Ngapain dia paké ngasih babé lu telepon kayak gituan. Apa tuh namanya? Andro...andro...”
“Android, Nyak...”
“Iye, ntu maksud Nyak.”
“Kok Pak Subhi yang disalahin, Nyak?”
“Ya, iyalah. Coba dia kagak ngasi babé lu telepon kayak ntu, pasti dia kagak begitu...”
“Nyak émang kagak pernah ngintip babé ngeliat ada apa di teleponnya?”
“Jangan ngelédék Nyak déh lu. Nyak mana ngatri?”
“Ngarti, Nyak!”
“Ngatri!”
Nunung nirisin air cucian kangkung. “Makanya dikit-dikit belajar juga, Nyak. Intip tuh babé ngeliat apaan di hapénya. Siapa tau babé nyimpen foto-foto céwék atawa jandé...”
“Lu jangan manas-manasin Nyak déh. Lu demen kalu babé lu kayak gitu?”
“Ya kagak juga, Nyak...”
“Gue potong anunya babé lu kalu sampé berani kawin lagi...”
Nunung cekikikan.
“Jangan ketawa lu! Mendingan lu ajarin Nyak cara ngeliat hapé babé lu. Nyak jadi penasaran...”
“Gampang, Nyak...”
“Atau gini aja déh, Nung. Nti kalu babé lu solat di mesjid, nah lu kasih tau déh ama Nyak apa aja tuh yang suka diliat babé lu...”
Sonder nunggu lama, kesempatan itu datang pas Bang Jali solat Ashar di mesjid. Mpok Minah buru-buru ngambil hapé lakinya dan meminta Nunung melihat-lihat apa saja isi hapé Bang Jali.
“Nih, Nung. Coba lu bantuin Nyak ngeliat ada foto-foto siapa aja yang ada di telepon babé lu. Nyak péngén tau. Kalu sampé dia macem-macem, tau kendiri dah...”
Nunung pun dengan sigap membuka file foto-foto di telepon babénya. Mpok Minah duduk mépét Nunung. Dadanya berdebar-debar. Dia langsung ngebayangin lakinya nyimpen foto-foto kagak semenggah.
Setelah menelisik satu per satu foto dalam file ponsel itu, Nunung juga membuka-buka file vidéo. Cuman ada tiga file vidéo yang tersimpan dalam hapé babénya.
Selesai ngeliat-ngeliat file foto dan vidéo di hapé lakinya, Mpok Minah ngurut dada lega.
“Nyak puas?”
“Puas.”
“Masih mau marah sama babé?”
“Nyak beliin juga dong Nung hapé kayak punya babé lu?”
“Bakal apa, Nyak?”
“Nyak péngén juga nyimpen foto cucu-cucu Nyak kayak nyang di hapé babé lu. Pan énak, iseng-iseng bisa mandangin cucu Nyak, si Itoh, Alfin, Aldin, Pipit. Vidéonya sekalian...” (14/2/2015)
Kamus Betawi:
Empet: kesal; Misangin: membersihkan; Kotan-kotan: kadang-kadang; Nirisin: meniriskan; Sonder: tanpa; semenggah: tak senonoh.
“Babé lu Nyak liat udah mulain berobah, Nung,” kata Mpok Minah, suatu siang sembari ngiris-ngiris bawang di dapur.
Nunung yang lagi misangin kangkung, néngok. “Berobah kenapa, Nyak?”
“Ntu, saban Nyak liat, pasti lagi asyik sama teleponnya. Kotan-kotan Nyak liat cengar-cengir kayak orang kagak waras.”
Nunung mésem.
“Ntu salah Pak Subhi juga...”
“Maksudnya, Nyak?”
“Ngapain dia paké ngasih babé lu telepon kayak gituan. Apa tuh namanya? Andro...andro...”
“Android, Nyak...”
“Iye, ntu maksud Nyak.”
“Kok Pak Subhi yang disalahin, Nyak?”
“Ya, iyalah. Coba dia kagak ngasi babé lu telepon kayak ntu, pasti dia kagak begitu...”
“Nyak émang kagak pernah ngintip babé ngeliat ada apa di teleponnya?”
“Jangan ngelédék Nyak déh lu. Nyak mana ngatri?”
“Ngarti, Nyak!”
“Ngatri!”
Nunung nirisin air cucian kangkung. “Makanya dikit-dikit belajar juga, Nyak. Intip tuh babé ngeliat apaan di hapénya. Siapa tau babé nyimpen foto-foto céwék atawa jandé...”
“Lu jangan manas-manasin Nyak déh. Lu demen kalu babé lu kayak gitu?”
“Ya kagak juga, Nyak...”
“Gue potong anunya babé lu kalu sampé berani kawin lagi...”
Nunung cekikikan.
“Jangan ketawa lu! Mendingan lu ajarin Nyak cara ngeliat hapé babé lu. Nyak jadi penasaran...”
“Gampang, Nyak...”
“Atau gini aja déh, Nung. Nti kalu babé lu solat di mesjid, nah lu kasih tau déh ama Nyak apa aja tuh yang suka diliat babé lu...”
Sonder nunggu lama, kesempatan itu datang pas Bang Jali solat Ashar di mesjid. Mpok Minah buru-buru ngambil hapé lakinya dan meminta Nunung melihat-lihat apa saja isi hapé Bang Jali.
“Nih, Nung. Coba lu bantuin Nyak ngeliat ada foto-foto siapa aja yang ada di telepon babé lu. Nyak péngén tau. Kalu sampé dia macem-macem, tau kendiri dah...”
Nunung pun dengan sigap membuka file foto-foto di telepon babénya. Mpok Minah duduk mépét Nunung. Dadanya berdebar-debar. Dia langsung ngebayangin lakinya nyimpen foto-foto kagak semenggah.
Setelah menelisik satu per satu foto dalam file ponsel itu, Nunung juga membuka-buka file vidéo. Cuman ada tiga file vidéo yang tersimpan dalam hapé babénya.
Selesai ngeliat-ngeliat file foto dan vidéo di hapé lakinya, Mpok Minah ngurut dada lega.
“Nyak puas?”
“Puas.”
“Masih mau marah sama babé?”
“Nyak beliin juga dong Nung hapé kayak punya babé lu?”
“Bakal apa, Nyak?”
“Nyak péngén juga nyimpen foto cucu-cucu Nyak kayak nyang di hapé babé lu. Pan énak, iseng-iseng bisa mandangin cucu Nyak, si Itoh, Alfin, Aldin, Pipit. Vidéonya sekalian...” (14/2/2015)
Kamus Betawi:
Empet: kesal; Misangin: membersihkan; Kotan-kotan: kadang-kadang; Nirisin: meniriskan; Sonder: tanpa; semenggah: tak senonoh.
0 komentar:
Post a Comment