Thursday, March 31, 2011



            Bang Jali bikin kagét tetangga-tetangganya pada pagi yang nyisain gerimis dan matahari romannya males keluar dari ufuk timur. Di pagi buta itu, due ékor kambing bandot udah tercancang di bawah pohon rambutan yang buahnya jarang itu. Kedua ékor kambing itu ngembak-ngembék bikin anak-anak kecil yang biasanya masih ngeringkuk di tempat tidur pada bangun.
            “Mau buat ape, bang Jali? Mau dipiara?” bang Kosim yang matanya sebentar-sebentar kedép itu nongol dengan kaén sarung yang digulung di bawah puser. “Lu mau miara kambing, Li?”
            “Mau miara bibir lu tebalik,” bang Jali nyahut sembari nyamber batang daun nangka, mematahkannya, dan memberikannya kepada kedua ékor kambing yang baru dibelinya itu. “Gué buat potong, gué mau bikin akékah.”
            “Akékah?” jidat bang Kosi bekerut, “akékah bakal siapé, Li?”
            “Bakal gué.”
            Bang Kosim romannya makin héran. “Maksudnya bakal elu ‘ntu elu mau bikin akékah buat diri  lu kendiri?”
            “Ya iyalah.”
            émangnyé boléh, Li? Akékah ‘ntu bukan cuman buat bakal anak nyang baru lahir?”
            “Nah, ini nyang naménya kagak gaul di pengajian,” bang Jali mésam-mésem, “Elu kagak pernah ngikut pengajian malem Jumat sih, Sim. Kata pak Ustaz Irawan, akékah ‘ntu pan ibaratnyé kité nebus diri kité amé Yang Kuasé. Bagusnya émang tujuh ari seudah kité dilahirin. Tapi, boléh juga seudah 40 air, atawé kayak sekarang ini, seudah kita bangkotan. Daripadé kagak diakékahin sama sekali?”
            Bang Kosim manggut-manggut.
            “Gué tambain ni yé siapé tau elu kurang paham,” bang Jali nerusin océhannya. “Akékah bakal anak laki ‘ntu 2 ékor kambing, nah bakal anak perempuan cuman seékor.”
            Bang Kosim garuk-garuk kéték. “Kenapé bakal anak laki kudu dua ékor, Li?”
            “Peréntahnyé émang begitu. Mungkin karena anak laki bijinye dué, bang Jali nyaut asal-asalan.
            Bang Tooy (ini panggilan untuk bang Thoyib) muncul belakangan. “Hébat banget lu, Li, bisé beli kambing sampé dua biji. Abis dapet kontrakan lu?”
            “Dapet kontrakan maté lu jéréng,” bang Jali ngerapiin empanan kedua ékor kambingnya. “Ampir tigé taun gué nyéléngin tau.”
            Makin pentér makin banyak bocah-bocah yang dateng nonton kedua ekor kambing baru bang Jali. “Awas jangan padé deket-deket yé. Gué selempang lu padé dibadug!” bang Jali ngingetin anak-anak sebelon masup ke rumahnya untuk ngambil kopi yang udah diseduh bininya.
            Bang Jali ngeliat Mpok Minah lagi njapluk di pojokan.
            “Ngapain lu, Minah? Kesambet setan?”
            “Ayé kesel amé abang,” Mpok Minah langsung nyaut.
            “Bujug dah, kesel kenapé?”
“Ilokan bang nyang akékahan cuman abang? Ayé nggak, Bang?”
Bang Jali mandangin bininya. “émangnyé lu belon diakékahin juga?”
“Duilé jaman dulu, Bang. Mané adé sih anak nyang diakékahin? Bakal makan ajé susah, pegimané bakal makan, Bang.”
Bang Jali garuk-garuk pantatnya. “Ya udah, ‘nti gué koréd-koréd lagi céléngan gué. Siapé tau masih cukup.”
Sontak bibir Mpok Minah pun megar. “Abang cakep déh,” katanya. “Ke kamar yuk, Bang.”
“Nggak ah. Tadi pagi abis subuh gué towél-towél lu diem ajé. Sekarang gué lagi kagak mood.”
            “Ya udah. Tapi, jangan nyesel abang kalu bésok ayé kedatangan bulan.”
            Bang Jali jadi bimbang.
Tanah Kusir, 10411

KAMUS - KEDéP: Berkedip; pentér = matahari semakin naik; selempang = khawaatir; BADUG = seruduk; NJAPLUK: duduk bertopang dagu sambil cemberut; ILOKAN = masak iya? Apakah memang begitu?; KORéD-KORéD = korék-korék;


Monday, March 21, 2011


David Haye:
Tak Ada Wladimir, Vitali pun Jadi

RENCANANYA, David Haye émang bertarung ngelawan Wladimir Klitschko, adiknya Vitali Klitschko. Tapi, bahna sakit perut Wladimir dikabarkan belum bérés, kemungkinan Vitali jadi penggantinya.

Adam Booth, pelatih Haye, seperti dikabarin sportinglife.com, 21 Maret, émang masih ribet bernégosiasi sama Bernd Boente, manajer jagoan kelas berat asal Ukraina itu. Yang dibidik masih Wladimir untuk laga unifikasi kelas berat. Ancer-ancer tanggalnya, 2 Juli 2011.

Cuman, bahna Wladimir belum bener-bener sembuh dari cedera otot perut yang juga bikin duelnya melawan Dereck Chisora yang semula dijadwalin Januari lalu diundur ke 30 April dan akhirnya dibatalin pada 4 Maret kemarén, abangnya, Vitali, mungkin jadi penggantinya.

Boente sendiri nyebut-nyebut pada Minggu kemarén, bahwa Vitali bakal naék ring lagi pada Juni atawa Juli seabis ngeladénin Odlanier Solis pada Sabtu kemarén. Pada duél  itu, Solis nyerah di ronde 1 lantaran cedera dengkul.

Booth bilang kepada Guardian, bahwa déadline yang péngén ditegesinnya bukan cuman tanggal tarung dan tempat, tapi juga siapa yang berani ngelawan Haye.

“Pekan ketiga April nanti kami bakal ngambil keputusan,” kata Booth. “Di pekan pertama Mei, Wladimir kudu bilang kepada kami, dia siap atawa kagak buat betarung.”

Sejauh ini, ada tiga stadion di Jerman yang siap jadi tempat laga. Tapi, belon disebuti stadion apa saja. Selaén itu, ada satu kota laén di Eropa yang kepéngén jadi penyelenggara, termasuk Monte Carlo. *Aba

Saturday, March 12, 2011

All England 2011
Semifinals
Men’s Single
– Lin Dan (CHN) vs Marc Zwiebler (GER) 21-9, 16-21, 21-11
- Lee Chong Wei (MAS) vs Chen Long (CHN) 21-17, 21-13
Women’s Double – Wang Xiaoli/Fu Yang (CHN) vs Line Damkjaer Kruse/Marie Roepke (DEN) 21-10, 18-21, 21-9
- Fujii Mizuki.Kakiwa Reka (JPN) vs Matsuo Shizuka/Neto Mami (JPN) 21-19, 21-17
Men’s Double – Mathias Boe/Carsten Mogensen (DEN) vs Chai Biao/Guo Zhendong (CHN) 26-24, 21-12
Kien Keat Koo/Boon Heong Tan (MAS) vs Cai Yun/Fu Haifeng (CHN) 21-11, 23-21
Mixed Double – Sudket Prapakamol/Saralee Thoungthongkam (THA) vs Hendra Setiawan/Anastasia Russkikh (INA/RUS) 21-15, 21-17
- Xu Chen/Ma Jin (CHN) vs Michael Fuchs/Birgit Michels (GER) 21-19, 21-17
Women’s Single
- Wang Shixian (CHN) vs Wang Xin (CHN) 21-19, 21-17
- Eriko Hirose (JPN) vs Petya Nedelcheva (BUL) 21-15, 22-20


Final
Men’s Single – Lin Dan (CHN) vs Lee Chong Wei (MAS)
Women’s Single – Wang Shixian (CHN) vs Hirose Eriko (JPN)
Women’s Double – Wang Xiaoli/Yu Yang (CHN) vs Fujii Mizuki/Kakiiwa Reka (JPN)
Men’s Single – Mathias Boe/Carsten Mogensen (DEN) vs Kien Keat Koo/Boon Heong Tan (MAS)
Mixed Double – Xu Chen/Ma Jin (CHN) vs Sudket Prapakamol/Saralee thoungthongkam (THA)

Saturday, March 5, 2011

Thursday, March 3, 2011



Selamat Hari Raya Nyepi

Tahun Saka 1933

Wednesday, March 2, 2011


Oleh: Aba Mardjani

PEGI haji ke Tanah Suci jadi tekad bang Muin ame mpok Ipah. Karena itu, urung-urung ape, bang Muin nyelengin duit saban ari. Dikit-dikit lame-lame jadi bukit. Artinya, biar kata kepengen makan ikan bandeng, bang Muin pilih makan ikan gesek.
            Kepada bang Jali, bang Muin mengaku duit yang dia celengin di rumah udah cukup banyak. “Jangan lu ceritai ke mane-mane lagi, In,” bang Jali ngingetin. “Bukan ape-ape, gua kuatir duit lu ‘ntar dipinjem orang. Duit pan kalu udah di tangan orang suseh ngakalinnnya.”
            “Gue paham, Li. Ntu mengkenye gue cuman cerita ame elu. Gue tau lu pan kagak begitu doyan duit.”
            “Mungkin taun depan gue udah bisa daftar. Kurang-kurangnya gue jual-jual ape kek,” bang Muin nambahin. “Biasanya juga pan pake daftar tunggu.”
            Bang Jali nyabut bulu idungnya. Terus ngucek-ngucek buat ngusir rasa gatel.
            “Gue cuman mau ngingetin elu nih, In,” kata bang Jali sembari ngucek-ngucek matanya yang rada berair.
            “Apaan tuh, Li?”
            “Pegi aji ntu kudu cukup syarat ame rukunnya. Salah satunya, orang nyang sanggup pegi ke Mekkah ‘ntu salah satunya ye, udah kagak punya utang ame orang laen.”
            “Maksud ente, Li?”
            “Ane kagak punya maksud ape-ape. Ane cuman mau ngingetin. Kali-kali aje elu punya utang ame siape. Sebab, kalu elu punya utang, nilai haji elu boleh gue bilang kagak ada. Haji lu kagak diterima ame Nyang Kuase.”
            Bang Muin manggut-manggut.
            “Sekarang nih di kite, banyak nyang salah kaprah, In,” bang Jali romannya jadi semangat ngomong setelah Mpok Minah nyodorin dua gelas kopi panas di atas meja. “Duit boleh korupsi pegi aji. Duit boleh ngentit, pegi aji. Nah, kalu nyang begitu, In, waktu dia teriak ‘labbaikallah humma laka labbaik’, malaikat bilang, ‘hei, ente belon dipanggil.”
            “Nah kalu nyang begitu, apa aji-nya diterima, Li?”
            “Gue kagak tau dah. Tapi, dia Ustaz Heri Irawan, nyang begitu aji-nya boleh jadi kagak diterima. Buktinya kite liat aja setelah pulang dari Mekkah. Kalu dia masih juga doyan ngentit duit negara, duit rakyat, ‘ntu artinye aji-nya kagak diterima. Kagak mabrur.”
            Bang Muin nyamber kopi di atas meja. “Nih kopi enak be’eng, mpok Minah,” katanya kepada mpok Minah yang kebetulan lewat. Mpok Minah cuman menjep.
            “Nah, jadi, kalu elu masih punya utang, lu kudu bayar-bayarin dulu tuh, In.”
            “Seingat ane sih, ane kagak punya utang, Li.”
            “Syukur dah kalu begitu.”
            Agak siangan dikit, bang Muin pamit pulang. Pas mau ngidupin motor bebeknya, bang Jali ngeliat seorang laki-laki dengan muka item nyamperin bang Muin.
            “Nah, akhirnya ketemu di sini,” kata tamu bang Muin. “Gimana, Pak? Kredit motornya nunggak hampir tiga bulan. Kalau hari ini Bapak tidak bayar, motornya kami tarik.”
            Bang Muin nengok bang Jali. Bang Jali garuk-garuk kepala sembari pora-pora ngeliat pohon mangga di depan rumahnya yang lagi bebuah.*
Tanah Kusir, 030311

KAMUS
Urung-urung ape = apa pun yang terjadi; IKAN GESEK = sejenis ikan asin; NGAKALIN = mengakali (dalam konteks ini, maksudnya upaya mengambil kembali);
PEMASUKAN :
tgl 27 Feb 2019
1.Masjid =Rp.250.000
2.Tromol =Rp.173.000
Jumlah =Rp.423.000

PENGELUARAN :
Ta'lim =Rp.179.000
SALDO Rp.244.000
Bendahara
1.Ali Agus
2.Basri Arbain

Ketua Majlis
Mahyuddin Hanafi




Total Pageviews

Video Majlis AlAbror

Popular

Buku Tamu

Sahabat