Friday, February 25, 2011

 

Thursday, February 24, 2011


Oleh: Aba Mardjani

BEGITU bayangan Mpok Amsanih ilang di belokan di ujung jalan, bang Jali langsung nyecer bininya, Mpok Minah yang udah mulain lagi beberes di dapur,
            “Mau ngapain lagi tuh si Am, Minah?”
            Mpok Minah kagak langsung nyaut. “Min!”
            “Ngapain lagi sih, Bang? Abang udah pasti tau dah ape maunye Amsanih kalu dateng pagi-pagi begini.”
            “Minjem duit lagi?”
            “Ya iyalah.”
            “Lu kasih?”
            Mpok Minah berjalan ke depan, nyamperin bang Jali yang lagi geleng-geleng kepala nyaksiin berita di tv soal tawuran para pelajar. “Kalu gue jadi Menteri Pendidikan, gue bikin sekole khusus para pelajar nyang demen tawuran. Siape aje nyang ketangkep lagi tawuran, gue jeblosin ke sono,” bang Jali ngegerundel.
            Mpok Minah duduk di depan bang Jali.
            “Lu kasih, Minah?”
            Mpok Minah narik napas. “Ape nyang mao dikasih, Bang? Kertas bungkus terasi?”
            Bang Jali nyengir-nyengir kambing.
            “Nah duit sepeser juga kagak gablek pake mao minjemin? Mengkenye, Bang, dari dulu pan aye udah bilang, kalu punye duit tuh jangan diabis-abisin. Ditabung. Jadi, kalu pas perlu, kita bisa pake...”
            Berita di tv beralih ke berita soal korupsi. Bang Jali geleng-geleng kepala lagi. “Kalu gua jadi presiden, orang-orang nyang pade ngeduk duit negara sonder tanya ini itu, langsung gua masupin ke penjara.”
            Mpok Minah menjep. “Lah, kalu abang jadi pejabat, Abang juga pasti ngentit duit negara, Bang. Sekarang aje abang kagak punya kesempetan.”
            “Punye mulut jangan asal ngablak lu. Gini-gini gue masih punya iman. Duit ntu, jangankan bemiliar-miliar, seribu perak aje kalu belon jadi rejeki kita, jangan kita embat. Buat ape ngeduk duit negara sampe segitu banyak kalu pas mati juga kagak dibawe!”
            “Udah deh, Bang, jangan ngablu aje. Aye mao belanja nih. Katenye abang mao makan sayur goreng asem. Sini duitnye!”
            Sembari nyedot rokoknya, bang Jali ngerogoh kantong. Dua lembar duit di tangannya. Yang satu lembaran 20 ribuan, satu lagi 10 ribuan. Bang Jali nyodorin duit 20 ribuan kepada bininya.
            “Segini mah cukup ke mane, Bang? Serba cekak,” Mpok Minah merengut.
            “Ya, lu cukup-cukupin dah.”
            “Udah semuanya sini, Bang,” Mpok Minah ngotot.
            “Ini ari Jumat, Minah,” bang Jali buru-buru masupin duit 10 ribuan ke kantongnya. “Ini, nyang lima ribu buat kotak amal di masjid ntar pas solat Jumat, sisanya buat gue beli rokok ketengan.”
            “Lagian buat kotak amal gede-gede amat, Bang? Seribu aje juga cukup,” Mpok Minah masih merengut.
            “Ini nyang salah kaprah,” bang Jali kembali nyedot rokoknya. “Kotak amal ntu tabungan akherat, Minah. Lu pan tau, gue kagak punya tabungan di dunie gak ape-ape. Nyang penting tabungan di akherat gue banyak.”
            Mpok Mnah bangun. “Ya udah,” katanya sewot. “Sayur goreng asemnya kagak jadi. Kagak cukup buat beli kunyitnya.”
            “Eh, ntar dulu,” bang Jali nahan langkah bininya sembari mandangin geol pantat bininya. Buru-buru dia ngambil lembar 10 ribuan dari kantong yang lain. “Nih gue tambahin. Goreng asemnya nyang sedep ye. Jangan lupe, gue kepengen pepes ikan peda pake daon singkong!”
            Mpok Minah buru-buru nyamber duit dari tangan bang Jali lalu berbalik. Bang Jali kembali mandangin geol pantat bininya. “Nyesel juga tadi kagak pake serangan fajar,” bang Jali ngebatin. (Tanah Kusir, 250211)
           

Kamus
Nyecer = mencecar; Beberes = memberes-bereskan; Ngegerundel = bergumam, menggerutu; Gablek = punya, tersedia; Mengkenye = Makanya; Ngeduk = mengeruk; Sonder = tanpa; Masupin = masukin; Menjep = Menjebi; Ngentit = memotong, korupsi; Ngablu = melawak, asal bicara; Ketengan = eceran.

Wednesday, February 23, 2011


Oleh: Aba Mardjani

Bang Jali lagi duduk anteng sembari manteng nonton tv sewaktu Matroji getok pintu lantas ngucapin salam.
            “Likum salam, elu Ji. Ada kabar ape?” Bang Jali nengok, lantas nyamber kopi di atas meja yang masih ngepul.
            “Bujug, sedep banget, Li,” bang Matroji begelekan ngeliat bang Jali ngirup kopi. “Mpok Minah!” bang Matroji betereak. “Aye atu dong kopinye. Ngantuk be’eng nih,” sambungnya lantas ngedubrak duduk di korsi di samping bang Jali.
            “Ade ape, Ji?” bang Jali ngejar bang Matroji.
            “Ade kabar penting nih, Li,” bang Matroji nyaut sembari nyamber rokok di atas meja.
            “Enak banget lu ye,” bang Jali ngedehem. “Minta kopi, ngerokok gratis pula.”
            “Ibadah, Li. Pan kagak saban hari juga gue ke sini,” bang Matroji cengar-cengir.
            Mpok Minah nongol sembari ngebawa segelas kopi panas. Wanginya langsung nyamber idung bang Matroji. “Mekasih ya, Mpok Minah. Kopi Mpok Minah emang kagak duenye.”
            “Lu kagak perlu muji-muji deh, Matroji,” mpok Minah berbalik. “Gue udah tau akal lu.”
            “Jadi ade ape nih, Ji?” bang Jali sepertinya udah kagak sabaran.
            “Ini, bang,” bang Matroji nyedot rokoknya dalem-dalem. “Gue ke mari bawa amanat temen-temen. Bentar lagi pan ada pemilihan ketua RW. Nah, orang-orang kepengennya elu jadi ketua RW ngegantiin Mas Muhtarom.”
            Bang Jali ngejimprak sampai kesimpatan.
            “Kenape, Bang? Kok kayak kaget begitu?” bang Matroji keheranan.
            “Elu suruh gue jadi ketua RW?”
            “Iye, Li.”
“Kagak dah. Kagak dah....” bang Jali godek-godek. “Ntu bukan pak gue. Jangan kate beneran, ngimpi aje gogah.”
“Eh, Jali, elu entu pantes jadi ketua RW. Ame agame elu paham, kagak buta huruf, deket ame orang, juga ame orang-orang kelurahan. Jujur. Selama ini elu juga jadi imam di masjid. Nah, ape salahnya kalu sekalian elu jadi imam warga?”
Bang Jali nyamber gelar kopi yang udah keilangan dinginnya. Matahari masih doyong di timur. Tapi, bang Jali udah ngerasa badannya rada gerah.
“Udah deh, Ji. Mendingan elu cari nyang laen aje deh. Emang udah kagak ada calon laen?”
Bang Matroji lantas ngebeberin alesan mengapa orang-orang ngedukung bang Jali jadi ketua RW Kampung Suka Damai. Menurut bang Matroji, secara kepemimpinan, Mas Muhtarom juga bagus. Cuman, udah kebanyakan makan duit. Ape-ape diduitin. Lagi pula, belakangan, Mas Muhtarom juga pernah kelibet kasus korupsi di kantornya. Cuman, karena ini dan itu, dia kagak jadi dipecat.
Bang Matroji terus nambahin, Mas Muhtarom masih ngotot kepengen jadi ketua RW buat periode kedua. Segala cara bakal dia lakoni biar kepilih lagi jadi ketua RW.
“Nah, elu ngarti kan? Orang-orang tuh kepengen pemimpin nyang jujur kayak elu. Nyang kagak suka maenen duit rakyat,” kata bang Matroji seudah ngebeberin alesan-alesan yang membuat masyarakat Kampung Suka Damai ingin bang Jali jadi ketua RW.
“Udah deh, gue kagak kepengen, Ji. Gue kagak bakal nyalonin. Kalu elu-elu pade nyalonin, nti pas acara pemilihannya gue bakal kagak dateng,” tandas bang Jali.
Bang Matroji narik napas dalem-dalem.
“Suseh ngomong ame elu Li,” bang Matroji setengah ngegerundel.
“Bukan gitu, Ji. Gue ntu paling kagak demen jadi omongan orang. Nyang gue tahu, kagak gampang jadi ketua, biar kata ketua RW. Kebijaksanaan kita udah pasti kagak bakal diterima semua orang. Yang atu nerima, belon tentu nyang laen akur. Ntu nyang gue tahu selama ini.”
“Ntu sih gue juga tau, Li,” bang Matroji romannya udah mulai sewot. “Mana ade sih pemimpin nyang sempurna?”
Seudah diem-dieman beberapa lama, bang Jali tiba-tiba ngomong.
“Gue mau juga sih jadi ketua RW. Cuman ada syaratnya, Ji.”
“Bener, Li? Apaan tuh syaratnya?” bang Matroji kembali  bersemangat.
“Gue mau jadi ketua RW kalu ada jaminan nti kalu gua udah mati gua masup surga.”
Bang Matroji kembali lemes.
“Buat gue, Ji, kagak penting tuh jabatan atawe banda. Buat apa jabatan, buat apa banda banyak-banyak kalu pas mati juga kagak dibawa.”
“Udah, ah. Ngomong ame elu emang seperti ngeributin pepesan kosong doang!” bang Matroji bangun terus ngeloyor. Bang Jali ketawa-ketawa. “Bilang Ji ame orang-orang, makan tuh jabatan, makan tuh banda. Gue mah kagak perlu!”
“Auk ah!”
Jakarta, 240211

Kamus
Begelekan = menelan air liur; Be’eng = sekali. Ngejimprak = terkaget; Kesimpatan = semacam bersin; Godek-godek = menggeleng-gelengkan kepala; Pak = keahlian; Gogah = Gua ogah (tidak mau)

Sunday, February 20, 2011


Oleh: Aba Mardjani

HIDUP di pinggiran kota selama ini menyenangkan bang Jali. Apalagi, anak bontotnya, Mat Rais, sudah kawin dan tinggal di rumah mertua indah untuk sementara. Paling kagak, beban bang Jali sekarang kagak seberat dulu lagi. “Gue tinggal ngempanin elu ame bacot gue doang. Makin tua tinggal uncang-uncang kaki nungguin cucu yang ngeberojol satu-satu,” kata bang Jali ame bininya, Mpok Minah.
            “Iye, jangan lupa ibadah, Bang. Banyaki ibadah,” Mpok Minah ngingetin lakinya.
            “Ntu mah lu kagak usah ngajarin. Gua ngarti.”
            Rumah bang Jali rada nyempil di antara rumah-rumah warga RT 12 Kampung Boro-boro Senang. Di antara rumahnya, ada sebuah tanah kosong yang panjangnya kira-kira 10 meter dan lebar 5 meter. Tanah itu milik tetangga bang Jali. Namanya Mas Murtaji, orang Jawa. Bang Jali tak tahu persis Jawa-nya di mana. Tapi, bininya orang Betawi asli. Namanya Mpok Amsani. Tapi, biar kata sama-sama Betawi, Mpok Amsani ini bertolak belakang dibanding Mpok Minah.
            Kata Mpok Minah, Mpok Amsani paling demen ngomongin tetangga. Bawaannya kagak boleh ngeliat tetangga seneng.
            “Abang peratiin dah waktu kemaren kita beli tipi 20 in,” kata Mpok Minah. “Si Amsani tuh Bang, langsung nangis ame lakinya, minta dibeliin tipi 24 in.”
            Bang Jali biasanya nanggepin ocehan bininya sembari mesem-mesem. “Biarin aje die begitu. Nyang penting elu pan kagak. Lagian, udah lu kagak usah ngomongin si Amsani. Die mau nyungsang kek, nyungseb kek, antepin aje.”
            “Aye sebel, Bang. Kok ade ye orang kayak begitu,” Mpok Minah romannya masih penasaran.
            “Ye ade. Manusia itu macem-macem, Minah. Ntu mengkenye dunia jadi rame. Kagak sepi kayak kuburan.”
            Tapi, ari ini, Bang Jali yang romannya jadi belingsatkan kayak beton dioseng. Muasalnya, karena ujug-ujug tanah di sebelah rumahnya mau dibangun rumah kontrakan sama Mas Murtaji.
            Sebenarnya, kagak ada yang berhak melarang Mas Murtaji ngebangun rumah kontrakan di tanahnya sendiri. Nyang jadi masalah buat bang Jali, bangunan rumah kontrakan itu dibikin ngepas sesuai tanah yang ada. Jadi, nantinya, yang nempatin rumah itu bakal keluar masuk lewat tanah milik bang Jali yang memang termasuk sejengkal halaman di depan rumahnya sampai ke samping-samping. Belon lagi airnya bakal jatuh di tanah Bang Jali. Menurut aturan agama, hal itu dilarang. Apalagi lewat sejengkal tanah itu juga selama ini bang Jali mundar-mandir pake skuter antiknya.
            “Udah, antepin aje, Bang. Die mau nyungsang kek, nyungsep kek,” kata Mpok Minah waktu ngeliat bang Jali murang-maring.
            “Nyindir lu!” bang Jali melotot. Mpok Minah mesem-mesem. “Ini bukan soal ape-ape atau kagak ape-ape, Minah. Ini udah keliwatan.”
            Sore ari, waktu udara mendung dan matahari romannya malu-malu ngintip dari balik awan item, bang Jali nemuin Mas Murtaji. Kepada laki-laki itu bang Jali langsung nyampein keberatannya.
            Mas Murtaji mesem-mesem setelah mendengar keluh kesah bang Jali.
            “Bang Jali,” kata Mas Murtaji kemudian. “Saya membangun rumah di tanah istri saya sendiri. Soal nanti mau tidak mau penghuni rumah menginjak tanah Bang Jali, saya pikir itu wajar. Namanya kita hidup bertetangga. Saling menerima, saling memberi.”
            “Kagak bisa, Mas.”
            “Kalau sampai Bang Jali bersikeras melarang, saya bisa saja melaporkan bang Jali ke polisi atau Komnas HAM. Sebab, bang Jali sudah mengganggu hak asasi manusia, hak asasi saya untuk membangun rumah di tanah istri saya sendiri. Bang Jali bisa dipenjara loh,” kata Mas Murtaji.
            Bang Jali makin muntap. “Eh, Murtaji, silakan ngadu ke mane kek. Ke polisi kek, ke Komnas HAM kek, ke Amnesti Internasional kek, ane kagak takut. Ente tuh ngomong jangan asal nyablak soal hak asasi. Ane juga kagak buta. Hak asasi ntu boleh-boleh aja asal kagak ngeganggu orang, kagak bertentangan dengan etika, kagak berlawanan ame agama,” bang Jali rada ngos-ngosan. “Inget ye, kalu ente ngebandel, ntar ane colok mate ente sekalian!”
            Setelah berkata begitu, bang Jali langsung ninggalin rumah Mas Murtaji yang romannya jadi rada takut juga.
            Mas Murtaji sendiri, masih dengan ati deg-degan masuk ke dalam rumahnya. Di pojokan, Mas Murtaji melihat istrinya, Mpok Amsani, lagi melotot.
            “Dasar laki geblek lu, Mas,” Mpok Amsani nyemprot lakinya. “Inget ye, kalau Mas kagak nerusin pembangunan rumah kontrakan, sebulan aye kagak bagi. Biar nyahok sekalian!”
Jakarta, 200211


Kamus
Ngempanin = memberi makan; bacot = mulut; uncang-uncang = ongkang-ongkang; ngeberojol = keluar, dilahirkan; nyempil = terselip; antepin = biarkan; romannya = nampaknya; mengkenye = makanya; dioseng = digoreng tanpa minyak; murang-maring = belingsatkan.

Naskah ini juga, kalo gak keberatan, bisa dibaca di:
http://fiksi.kompasiana.com/prosa/2011/02/20/bang-jali-versus-mas-murtaji/

Friday, February 18, 2011

http://www.amazon.com/gp/goldbox?ref_=pe_36900_18796860

Wednesday, February 16, 2011

Oleh: Aba Mardjani


mau-Mu-kah kumenegakkan hadap dalam takbir panjang lalu kumenyingkap tabir malam, mau-Mu-kah kulafaskan puji dalam tahmid panjang lalu kumenyibak dekap malam, mau-Mu-kah kukedaukan kelintang suci dalam larik-larik tasbih panjang lalu kumelabur tingkap malam, mau-Mu-kah kusungkupkan diri dalam tahlil panjang lalu kumemigura nebula malam...


entah....

Jakarta, 170211




Thursday, February 10, 2011



Oleh: Aba Mardjani

maka dalam rukuk
kutasbihkan kebesaranmu
rab

maka dalam sujud
kutasbihkan keagunganmu
rab

maka dalam runduk doa
ingin kulabur dosa
bersama tetes-tetes air mata

Jkt., 110211

Tuesday, February 8, 2011

By: Aba Mardjani
“IDUP pan cuman sekali, Bang. Kenape sih kagak abang cuekin aje?”
            Mata Bang Jali melotot. Tapi, Mpok Minah pora-pora kagak engeh. “Cuekin mate lu juling! Ini kudu dilurusin!”
            Mpok Minah menjep. “Mendingan abang ngeluruin nyang laen aje, Bang!”
            “Ngelurusin nyang ntu mah gampang!” Bang Jali makin sewot.
            “Ah, abang ngeres melulu. Maksud aye kawat jemuran nyang bengkok!”
            “Udah diem aje lu. Ini urusan orang laki!”
            Awalnya Bang Jali juga kagak mau peduli ame si Jabrik, preman di ujung gang yang ngaku-ngaku anak Betawi. Tapi, begitu selentingan bang Jali denger si Jabrik ngaku-ngaku pernah beguru silat ame Wak Haji Demek, bang Jali jadi berasa gerah. Dia kagak mau nama Haji Demek yang kesohor jago beksi di Pondok Pinang jadi rusak.
            Maka, abis turun sembahyang magrib, bang Jali nyamperin anak muda preman di ujung gang nyang suka petantang-petenteng kayak bebegi. Kebetulan, bang Jali langsung ketemu. Si Jabrik lagi asik sekakak-cekikik di pos ronda ujung gang.
            “Elu yang nama lu si Jabrik?” Bang Jali bediri di depan anak muda itu.
            Si Jabrik mandangin bang Jali. Roman-romannya rada heran dia ngeliat seorang laki-laki setengah baya yang bediri seperti nantangin dia.
            “Iye. Ade persoalan ape, Be?”
            “Babe...babe...emangnye lu anak gue!” Bang Jali ngebentak. “Beneran lu anak Betawi? Beneran lu belajar beksi ama Wak Haji Demek? Jangan-jangan elu emang cuman mao ngerusak nama anak Betawi ame nama Kong Haji Demek!”
            Si Jabrik ngakak kayak ngeledek bang Jali. “Kalu iye, abang mao ape?”
            “Kalu beneran, ntu namenya elu beurusan ame gue.”
            “Abang nantangin aye?”
            “Bukan nantangin. Gue mao ngelurusin persoalan ini. Tapi, kalu elu kagak bisa diurusin, ape boleh buat dah.”
            “Maksudnya ngelurusin pegimane, Bang.”
            Bang Jali narik napas.
            “Begini ya Tong,” Bang Jali nyebut nama Si Jabrik dengan Entong. “Gue sebenernya masak bodoh aje elu mau nyungsang kek, nyungseb kek. Tapi, bahna elu bawa-bawa nama Kong Haji Demek segale, maka tugas gue buat ngelempengin.”
            “Saye belon ngerti  maksud Abang..”
            “Gini ya, Tong. Gue kasih elu empat pilihan. Yang pertama, elu kagak usah bawa-bawa name Betawi kalu kelakuan lu kagak bener. Ape lagi bawa-bawa nama Kong Haji Demek.”
            “Yang kedua, Bang?” Si Jabrik mesem-mesem.
            “Yang kedua, mendingan elu jadi anak Betawi yang baek-baek aje deh kalu elu emang anak Betawi. Rajin solat, rajin ngaji. Terus yang ketiga, kalu elu emang mao tetep jadi preman, mendingan elu jujur aje asli lu dari mane, guru silat lu siape? Atawa elu kagak usah bawa-bawa suku segale dah.”
            “Yang keempat, Bang?” Si Jabrik masih mesem-mesem.
            “Kalu semuanya elu kagak mau ikutin, elu minggat aje dari sini. Kalu elu mao tetep jadi preman, ya di mane kek. Jangan sampe di depan mate gue, apalagi di depan kuping gue.”
            Si Jabrik bediri nantangin Bang Jali.
            “Kalu saya tetep kagak mao, Bang?”
            “Kuping lu mampet! Tadi pan gue udah bilang, ntu artinya elu beurusan ame gue!”
            Si Jabrik berjalan ngelinterin Bang Jali. Bang Jali siap siaga. Sesaat kemudian, Bang Jali merasa Si Jabrik menghajarnya dari belakang. Bang Jali ngeles. Lantas, dengan sekali gebrak, Si Jabrik nyungseb di got. Bang Jali ngangkat kakinya untuk nginjek muka Si Jabrik yang udah belepotan lumpur got.
            “Ampun...ampun...ampun...Bang. Saya ngaku...saya ngaku...saya juga nggak bakal jadi preman lagi!”
            Bang Jali narik kakinya.
            “Nah, gitu dong. Coba dari tadi begitu, pan jadi kagak perlu make berantem segale!” Abis ngomong begitu, Bang Jali langsung ngeloyor.*


           

By: Aba Mardjani

ATI bang Jali jadi kagak bisa adem pagi itu. Bawaannya gelisah terus. “Ade yang gue mao omongin ame elu ntar siang,” kata bang Jali waktu pamitan sama bininya, Mpok Minah.
            “Ada apaan sih, Bang? Roman-romannya penting banget?”
            “Bukan penting lagi, tapi penting bin genting,” Bang Jali menyahut sembari ngeloyor ninggalin bininya yang jadi melongo kayak kambing kesambet.
            “Sekarang abang mao ke mane?” Mpok Minah betereak kemudian.
            “Mao nyari duit dulu!”
            “Berarti nyari duit lebih penting dong dibandingin ame yang tadi mao abang omongin.”
            “Nyari duit ntu penting bin genting bin penting!”
            Di tempat biasa ngumpul, bang Jali menarik bang Karim. “Sini, Rim. Ade yang mao gue omongin ame elu!”
            “Bujug dah, romannya serius banget lu!”
            Bang Jali kemudian bercerita soal anak laki-lakinya, Mat Rais, yang baru saja kawin sama Siti Romlah. “Yang bikin gue kagak abis pikir, Rim, pas pagi-pagi gue kagak ngeliat Mat Rais mandi basah. Padahal, lu tahu pan gimana serunya malem pertama.”
            Bang Karim mesem-mesem. Bikin bang Jali geregetan. “Gile juga lu ye. Masak yang begituan lu cerita-ceritain?”
            “Maksud gue, gue heran ame tu anak. Gue kuatir dia impoten, belon bisa, atawa ape gitu, Rim.”
            “Ya, sebabnya pasti macem-macem lah, Li. Jadi, lu liat aja sampe tiga hari ke depan. Atau seminggu. Nah, kalo rambut Mat Rais tetep kagak basah, baru dah lu tanyain kenape sebabnya.”
            Tapi, Bang Jali rupanya sudah tak sabaran. Begitu pulang ke rumahnya, dia langsung cerita kepada Mpok Minah.
            Mpok Minah cekikikan setelah mendengar cerita lakinya.
            “Jadi ntu yang abang kuatirin?”
            “Kok elu malah cekikikan, Min?”
            “Ya iyalah, Bang. Emangnya abang ragu ame Mat Rais. Abang takut Mat Rais kayak banci gitu atawa yang laen-laen.”
            “Ntu udah pasti, Min. Soalnye pan gue udah kepengen punya cucu. Urusannya bisa berabe kalo Mat Rais kagak bisa ngelaksanakan tugasnya.”
            “Sini aye bisikin, Bang,” Mpok Minah menarik lakinya, lalu membisikkan sesuatu di kuping Bang Jali.
            “Kok elu kagak bilang-bilang?” Bang Jali nyecer bininya setelah  sesaat keliatan rada kaget.
            “Masak urusan perempuan pake dicerita-ceritain sih, Bang? Dateng bulan pan emang udah biasa buat perempuan.”
            Bang Jali kelihatan sedikit tercenung. “Kesian banget ye Mat Rais.”*
           
Banyak orang yang merasa malu jika ketahuan kentut, karena masalah perkentutan seringkali dinilai salah dari sisi etika dan kesopanan. Tapi jangan remehkan kentut, karena orang bisa meninggal hanya gara-gara tak bisa mengeluarkan gas dari tubuh.
Dalam frekuensi normal, kentut merupakan hal yang sehat karena menandakan sistem pencernaan khususnya gerakan peristaltik usus hingga anus berjalan dengan normal.
Bila frekuensinya berlebihan, maka menandakan adanya gangguan di perut. Tapi yang lebih buruk dan dapat mengancam nyawa adalah bila orang tidak bisa mengeluarkan gas dari dalam tubuhnya alias tidak bisa kentut.
Ketidakmampuan tubuh mengeluarkan gas atau kentut dari dalam tubuh dapat mengancam jiwa karena disebabkan oleh kondisi peritonitis. Peritonitis adalah peradangan (iritasi) dari peritoneum, yaitu jaringan tipis yang melapisi dinding bagian dalam perut dan mencakup sebagian besar organ perut.
Jadi, kalau memang kebelet, tak ada salahnya dikeluarkan saja.
By: puskesmassungkai
Sumber: https://puskesmassungkai.wordpress.com/2010/10/26/
Banyak orang yang merasa malu jika ketahuan kentut, karena masalah perkentutan seringkali dinilai salah dari sisi etika dan kesopanan. Tapi jangan remehkan kentut, karena orang bisa meninggal hanya gara-gara tak bisa mengeluarkan gas dari tubuh.
Dalam frekuensi normal, kentut merupakan hal yang sehat karena menandakan sistem pencernaan khususnya gerakan peristaltik usus hingga anus berjalan dengan normal.
Bila frekuensinya berlebihan, maka menandakan adanya gangguan di perut. Tapi yang lebih buruk dan dapat mengancam nyawa adalah bila orang tidak bisa mengeluarkan gas dari dalam tubuhnya alias tidak bisa kentut.
Ketidakmampuan tubuh mengeluarkan gas atau kentut dari dalam tubuh dapat mengancam jiwa karena disebabkan oleh kondisi peritonitis. Peritonitis adalah peradangan (iritasi) dari peritoneum, yaitu jaringan tipis yang melapisi dinding bagian dalam perut dan mencakup sebagian besar organ perut.
Jadi, kalau memang kebelet, tak ada salahnya dikeluarkan saja.
By: puskesmassungkai
Sumber: https://puskesmassungkai.wordpress.com/2010/10/26/

Monday, February 7, 2011

KELAHIRAN ARTIS INDONESIA

JANUARY
4 – 1977          Luci Rachmawati (singer, Jakarta)
16 – 1949        Titiek Hamzah (musician, Bukittinggi)
18 - 1959        Yenny Rachman (ex actress)
27 – 1976        Maia Estianty    - Singer (pop, rock)

FEBRUARY
15 - 1957        Mathias Muchus (actor, Pagar Alam, Sumsel)
MARCH
01 - 1952          Roy Marten (actor, Salatiga) 
05 - 1955         Deddy Mizwar (actor, Jakarta)
18 – 1969        Anang Hermansyah (musisi, penyanyi, Jember)
24 – 1975        Krisdayanti (penyanyi, Jawa Barat)
24 - 1982        Vino Bastian (actor, Jakarta)
APRIL
05 – 1957          Euis Darliah (eks penyanyi, Cimahi)
27 - 1966        Suti Karno (actress, Jakarta)
MAY
02 - 1965        Mandra (actor, comedia, Cibubur)
05 - 1974        Sarah Sechan (MC, Bandung)
14 – 1985        Mey Chan (Dita Anggraini, penyanyi, Malang)
16 – 1963        Doel Sumbang, musisi, Bandung)
25 – 1963        Atiek CB (ex singer, Kediri)
26 – 1972        Ahmad Dhani (singer)
27 – 1966        Titi DJ (singer, Jakarta)
29 - 1975       Reza Artamevia (singer, Jakarta)
JUNE
3 – 1972          Yuni Shara (singer, Malang)
05 - 1947         Jojon - Djuhri Masdjan (comedian, Jakarta)
17 – 1972        Andra Junaidi (musisi)
JULY
05 - 1975        Surya Saputra (actor, Jakarta) 
AUGUST
6 – 1957          Hetty Les Endang (ex singer, Jakarta)
7 - 1967          Aji Massaid (ex actor, politisian, Jakarta, died on 5 Feb. 2011) 
08 - 1957        Yati Surachman (actress, Jakarta) 
11 - 1972        Agus Kuncoro (actor, Jakarta)
SEPTEMBER
01 – 1966          Ruth Sahanaya (singer, Bandung)
07 - 1961         Alex Komang (actor, Jepara)
OCTOBER
08 - 1960        Rano Karno (actor, producer, politician, Jakarta)
29 – 1960        Tantowi Yahya (MC, politician, Palembang)
NOVEMBER
11 – 1980        Pingkan Mambo (singer, Jakarta)
12 – 1966        Noviar (Ovy/ruf) Rahmansyah (musician)
DECEMBER
25 - 1956        Christine Hakim (actress, Kuala Tungkal, Jambi)
31 - 1966        Didi Kempot (singer of Campursari, Surakarta)
Sementara sak gini dulu. Nti ane tambahin.

Saturday, February 5, 2011

   

Wednesday, February 2, 2011


UMP 2010 dan 2011
Berikut data lengkap perbandingan UMP 2010 dengan UMP 2011:
1. Aceh, naik dari Rp 1,3 juta menjadi Rp 1.350.000
2. Sumatera Utara, naik dari Rp 965.000 menjadi Rp 1.035.500
3. Sumatera Barat, naik dari Rp 940.000 menjadi Rp 1.055.000
4. Riau, naik dari Rp 1.016.000 menjadi Rp 1.120.000
5. Kepulauan Riau naik dari Rp 925.000 menjadi Rp 975.000
6. Jambi, naik dari Rp 900.000 menjadi Rp 1.028.000
7. Sumatera Selatan, naik dari Rp 927.825 menjadi Rp 1.048.440
8. Bangka Belitung, naik dari Rp 910.000 menjadi Rp 1.024.000
9. Bengkulu naik dari Rp 780.000 menjadi Rp 815.000
10. Lampung, naik dari Rp 767.500 menjadi Rp 855.000
11. Jawa Barat,naik dari Rp 671.500 menjadi Rp 732.000
12. DKI Jakarta, naik dari Rp 1.118.009 menjadui Rp 1.290.000
13. Banten, naik dari Rp 955.300 menjadi Rp 1000.000
14. Jawa Tengah, naik dari Rp 660.000 menjadi Rp 675.000
15. Yogyakarta, naik dari Rp 745.694 menjadi Rp 808.000
16. Jawa Timur, naik dari Rp 630.000 menjadi Rp 705.000
17. Bali, naik dari Rp 829.316 menjadi Rp 890.000
18. Nusa Tenggara Barat, naik dari Rp 890.775 menjadi Rp 950.000
19. Nusa Tenggara Timur, naik dari Rp 800.000 menjadi 850.000
20. Kalimantan Barat, naik dari Rp 741.000 menjadi Rp 802.500
21. Kalimantan Selatan, naik dari Rp 1.024.000 menjadi Rp 1.126.000
22. Kalimantan Tengah, naik dari Rp 986.590 menjadi Rp 1.134.580
23. Kalimantan Timur, naik dari Rp 1.002.000 menjadi Rp 1.084.000
24. Maluku, naik dari Rp 840.000 menjadi Rp 900.000
25. Maluku Utara tahun 2010 Rp 847.000, tahun 2011 belum diputuskan
26. Gorontalo, naik dari Rp 710.000 menjadi Rp 762.500
27. Sulawesi Utara, naik dari Rp 1.000.000 menjadi Rp 1.080.000
28. Sulawesi Tenggara, naik dari Rp 860.000 menjadi Rp 930.000
29. Sulawesi Tengah, naik dari Rp 777.500 menjadi Rp 827.500
30. Sulawesi Selatan, naik dari Rp 1000.000 menjadi Rp 1.100.000
31. Sulawesi Barat, naik dari Rp 944.200 menjadi Rp 1.006.000 (proses gubernur)
32. Papua, naik dari Rp 1.316.500 menjadi Rp 1.403.000 (proses gubernur)
33. Papua Barat naik dari Rp 1.210.000 menjadi Rp 1.410.000
Sumber: http://www.the-az.com/upah-minimum-regional-2011/
    
PEMASUKAN :
tgl 27 Feb 2019
1.Masjid =Rp.250.000
2.Tromol =Rp.173.000
Jumlah =Rp.423.000

PENGELUARAN :
Ta'lim =Rp.179.000
SALDO Rp.244.000
Bendahara
1.Ali Agus
2.Basri Arbain

Ketua Majlis
Mahyuddin Hanafi




Total Pageviews

Video Majlis AlAbror

Popular

Buku Tamu

Sahabat